أخذ حبة PrEP كل يوم هاي طريقة وقاية مثبتة علمياً، ومبنية أبحاث. وهي الطريقة الوحيدة اللي معتمدة حالياً من وزارة الصحة الإسرائيلية.

طيب، كيف نبدأ؟

1. أول خطوة – تروح عند طبيب من كوبات حوليم (صندوق المرضى) اللي معه ترخيص يوصف PrEP. تقدر تلاقي قائمة الأطباء المخوّلين حسب الصندوق تبعك بالرابط اللي بالصفحة القبل.
    

2. بس قبل ما نبلّش – لازم نكون متأكدين 100% إننا سلبيين لـ HIV وكل الأمراض الجنسية. وكمان نكون مطعّمين ضد الأمراض اللي في إلها تطعيم، مثل التهاب الكبد والـ HPV (فايروس الورم الحليمي). وبرضه مهم نعمل فحوصات للكبد والكلية – عشان نتأكد الجسم جاهز للدواء. كل هذا يتم بمساعدة الطبيب بالصندوق.
    

3. انتبه! لازم نلتزم بفترة النافذة (Window period) بين التعرّض والفحص – عشان ما نغلط بالنتيجة. لكل مرض فترة انتظار مختلفة.
    

4. الفحوصات تمام؟ ممتاز! الطبيب بيعطيك وصفة لثلاث أشهر، وكل اللي عليك إنك تاخد حبّة واحدة كل يوم وبانتظام.
    

5. بعد أسبوع من الاستمرار، بتكون محمي بنسبة عالية جداً من الإصابة بـ HIV – طالما مستمر تاخد الحبة كل يوم. ومع هيك، التعليمات الرسمية بتقول: خليك مع الكوندوم كمان – الوقاية المزدوجة هي الأأمن.
    

6. بدك تجدّد الوصفة بعد 3 أشهر؟ سهل! بس لازم تعمل فحوصات STD (مسحة، دم وبول)، HIV، وكمان فحص وظائف الكلى. كله تمام؟ بتكمل العلاج! تذكير صغير: PrEP هو دواء، وممكن يسبب أعراض جانبية – فلا تهمّل المتابعة الطبية.
    

7. قررت توقف؟ أوكي. بس لازم تكمّل تاخد الحبة 7 أيام بعد آخر مرّة عملت سكس بدون واقي.