(2-1-1) PrEP On Demand - أون ديماند – لما بتخطط لمرة خاصة
قبل ما نغوص بالتفاصيل، مهم نوضح شغلة...
باسرائيل الطريقة الوحيدة اللي معتمدة رسميًا هي أخذ PrEP كل يوم.
بس مع هيك، في طرق تانية زي “أون ديماند- وقت الحاجة” – يعني لما عارف أنك رايح على سكس مخطتله (زي مهرجان، حفلة, سفر أو هيك فرفشة اخر الاسبوع.
تقدر تاخد PrEP قريب عوقت العلاقة، والطريقة هاي (المعروفة بـ 2-1-1) مبنية على أبحاث مثبتة زاي كانك بتتنول PrEP يومي وناجحة كتير، بشرط تمشي على تعليمات حرفيًا.
بكتير دول حوالين العالم، الناس بتستعمل فيها بطريقة رسمية ومعرف فيها ، بس باسرائيل? بعد مش موافقة رسميا.
ورغم هيك، مهم تعرفوا كيف تستعملوا بالطريقة الصح وبأمان
لمين الطريقة هاي مش مناسبة?
الطريقة "أون ديماند" مش فعالة للجنس المهبلي – يعني مش مناسبة لنساء أو رجال المتحولات (ترنس) اللي بتصير عندهم الي بمارسوا نكاح مهبلي.
وكمان، الهرمونات اللي بياخدوها بعض الأشخاص ترانس ممكن تقلل من فعالية الدواء.
الحل? استشيروا دكتور العيلة تبعكم قبل ما تبلشوا – ما تجربوش لحالكم!
ليش نحكي عن PrEP "أون ديماند" أصلاً؟
باستطلاع عملناه بشهر يناير 2024, كثير من الناس قالوا إنهم ما بياخدوش PrEP لأنهم ما بيعملوش سكس كثير –
يعني مش حابين يلتزموا بحبّة كل يوم.
الطريقة أون ديماند بتخلي PrEP أكتر مناسي للأشخاص اللي عندهم سكس فقط بأوقات معينة.
وكل ما في أكتر خيارات – أكتر ناس بتختار تحمي حالها.
سمعنا على استعمالات غلط، عشان هيك اجيت اعمل تعديل عالموضوع. هاي الطريقة مناسبة فقط إذا بتخطط تمارس سكس مخطتله وبشكل مش متكرر. أما إذا بتمارس السكس بشكل كبير، أو سكس عشوائي دون اي تخطيط مسبق – الطريقة الامنة هي تتناول PrEP يومي.
كيف بتستعمل PrEP أون דيماند (2-1-1) بطريقة صحيحة؟
هيك الطريقة:
-
تاخد 2 حبّات PrEP مرة وحدة، بين ساعتين لحد 24 ساعة قبل العلاقة. الحماية بتبدأ بس بعد ساعتين – ولازم تكمّل الجرعات عشان تضل محمي.
-
بعد 24 ساعة من الجرعة الأولى – تاخد حبّة وحدة.
-
بعد كمان 24 ساعة – كمان حبّة وحدة وأخيرة.
-
إذا استمريت تمارس سكس أكتر، تكمل حبّة كل يوم بنفس الوقت – ومرتين كمان بعد آخر علاقة.
لا تبدأ PrEP بدون فحص HIV وكل.
لازم النتيجة تكون سلبية قبل ما تبدأ – لأنو إذا بلشت وأنت أصلاً حامل الفيروس، ممكن يطور مقاومة وهاي مشكلة كبيرة.
هالمعلومات مش بديل عن استشارة طبية!
إذا بتفكر تبدأ PrEP – احكي مع طبيب العيلة تبعك.
الطريقة الوحيدة المصرّح فيها حالياً بإسرائيل هي الاستخدام اليومي المنتظم مع كوندوم ومتابعة طبية.
استخدام الدواء بشكل غير مطابق للتعليمات ممكن يعرّضك للإصابة أو لمقاومة للعلاج.