​​

الرغبة والمتعة الحقيقية

أساس الموضوع، وبالذات لما بنحكي عن تجربة جنسية إيجابية، هو إن الطرفين يكونوا فعلاً حابّين الاشي. الفضول، الرغبة، الشهوة، وكلها تكون متبادلة – لأن بدونها، الاشي ببساطة مش صحِّي.

 

التواصل

آه… لسه بالبداية، بس نحكي، نسأل، نسمع، ونرد – هاي الأمور هي المفتاح للمتعة.
إحنا هون عشان نستمتع، صح؟ فخلونا نكون صريحين.

 

إيمتى نحكي؟

قبل: "حابب تعمل هيك؟" / "شو بتحبي؟" / "مع إدخال؟"

أثناء: "مرتاح/ة؟" / "شايف/ة كيف بحبها؟" / "أسرع؟" / "أبطأ؟"

بعد: "كان نار!" / "جُنّنت لما…" / "متى المرة الجاي؟" / "الدور عليك الجاي!"

 

الواقي الذكري (الكندوم)

إذا الإدخال بقضيب أو لعبة جنسية – لازم نستخدم واقي.
الواقي بحافظ على النظافة، بيسهّل الإدخال، وبحمي من الأمراض المنقولة جنسيًا – وكمان من حمل، للي بهمه.

​

مهم: إذا عم نعمل سكس مع أكثر من شخص، لازم نغيّر الواقي بين كل إدخال سهل وبسيط.
وإذا مرّة للمهبل ومرّة للشرج؟ برضو نغيّر الواقي عشان نمنع نقل بكتيريا من الشرج للمهبل.
وإذا الاستعمال بالأصابع – نغسل إيدينا منيح، نفس السبب.

 

التدريج

أي إدخال مش لازم يكون مؤلم أو بدفاشة! مش شرط يكون مريح من أوّل لحظة، بس أكيد ما لازم يكون مؤلم أو مزعج.
الإدخال لازم يتم شوي شوي، لحد ما يصير ممتع ومريح – وهون التواصل مهم كتير عشان نلاقي الوتيرة الصح.

 

الترطيب (الجيل)

صحيح إن المهبل بينتج ترطيب طبيعي، بس أحيانًا لازم مساعد.
إذا بنستعمل واقي – نستخدم ترطيب على أساس مي أو سيليكون، مش زيت – الزيت ممكن يخرب الواقي.