DoxyPEP
دوكسيPEP – دوكسيسيكلين كوقاية من أمراض منقولة جنسياً بعد الممارسة

أوكي، شو القصة؟ 

في أبحاث أظهرت إنّه تناول مضاد حيوي اسمه دوكسي (دوكسيسيكلين) بعد سكس بدون واقي ممكن يقلل من فرص الإصابة بأمراض منقولة جنسياً: 

• الزهري (Syphilis) – انخفاض بـ 70-80٪ 

• الكلاميديا – انخفاض بـ 70-90٪ 

• السيلان (Gonorrhea) – تأثير أقل، بعض الدراسات ما لاقوا فرق، والبعض شافوا تقليل بـ 50-55٪ 

 

بس لحظة! مش وصفة هاي! 

في إسرائيل، ما فيش لسا تعليمات رسمية– يعني الاطباء مش بأعطوش توصية طبية لهئا الاشي. ومع هيك، كثير أشخاص بلشوا ياخدوه، واحنا هون عشان نفهم الصورة الكاملة ونساعد نمنع أخطاء اللي ممكن تكون مضرة.

‎

شو الطريقة؟

بأماكن بالعالم مثل أمريكا وأستراليا, نشروا معلومات على طريقة الاستعمال:

• الدواء مخصص فقط للرجال مع ميول جنسي لنفس الجنس(السيس) والنساء الترانس

• المقدار: 200 ملغم (يعني حبتين)، خلال 72 ساعة بعد السكس الغير محمي

• مع كاسة مي كبيرة، بدون أكل فيه حليب، وما تنام/تستلقي لمدة نص ساعة بعده.

• كتير تجارب أثبتت انه اخذ الجرعات قبل السكس تبين انه عالفاضي لهيك حرام عليهن للحبات المسكينات راحوا بشربة مي. 

 

شو المخاطر؟

دوكسي معروف إنه آمن نسبياً، بس مش خالي من مشاكل:

• ممكن يعمل مشاكل بجهاز الهضم: حرقة، التهابات، استفراغ، ضرر بالكبد 

• حساسية جلدية، حبوب، بثور، تصبغات، التهابات، حساسية من الشمس 

• حالات نادرة من سرطان الجلد (Basal Cell Carcinoma) 

• وأخطر شي؟ مقاومة للمضادات الحيوية – هاي مشكلة عالمية. يعني لو الجسم صار فيه بكتيريا مقاومة، ممكن تصير العدوى أصعب، أطول، ومع مضاعفات أكتر.