​​

بيلا جابتلكم شوية نصايح وخطوات تساعدكم توصلوا للاختراق، بس قبل كل شي، مهم نعرف إنّو الجنس الشرجي هو ممارسة جنسية مركّبة – ممكن تكون موصّلة وممتعة بشكل مجنون، وممكن كمان تكون مرهقة، تخلق قلق، أو حتى توجع وتترك أثر صعب.

الشخص اللي بيخترق لازم يكون حنون، حساس، وياخد باله من شريكه/ته – من تعابير الوجه، من أي شدّ أو استرخاء بمنطقة فتحة الشرج.
أما الطرف التاني، لازم يحس بأمان، يثق، يفتح حاله، ويتواصل مع الإحساس تبعه.

​

طيب شو نعمل؟ كيف؟

​

ننظّف

 الموضوع مش لازم يصير فيلم. ممكن ببساطة تفضّي حالك، تغسل من برا، وممكن شوي من جوّا – بدون ما تدخل إصبع وتتعمّق.

•  أكل فيه ألياف (زي الخضراوات، شوفان، فواكه) بيساعد يكون الإخراج ناعم وسلس.

•  في ناس بتفضّل يستخدموا حقنة مَي (دوچ), بس بيلا بتقول: مش ضروري، وممكن يضرّ كمان.

​

وأهم شي؟ إذا صار "غلط" – ولا يهمك! بيصير مع الكل، عادي تمامًا.

​

نرطّب

 الشرج ما بيفرز سوائل ترطيب مثل المهبل، فضروري نستخدم جل أو لوب.  لو في كوندوم – استعمل لوب مائي أو سيليكوني.
لو مش مستعمل كوندوم – خلي بالك من المواد الزيتية، لأنها ممكن تمزّق الكوندوم. اللعاب؟ بنشف بسرعة، ومش دايم مناسب.

 

نروّض

 فتحة الشرج عضلة – ومش متعودة على اللمس، فبتتقلص بسرعة. دلّك خفيف بالإصبع أو باللسان بيساعد العضلة تتعرّف وتسترخي شوي شوي.  ودلّك فتحة الشرج مع أماكن ثانية بتحفّزك – الخصيتين، القضيب، الكِلِيت، الحلمات – بيخلي الوضع ألذّ وأريح.

 

ندخّل

 بعد ما نحسّ إنو العضلة مسترخية، منبلّش نجرّب ندخل إصبع – شوي شوي – مع تواصل دائم. نبدأ بالإصبع الصغيرة.

 

نستنى

 ما نتحمّس ونبلّش ضخ فورًا!  منخلي الإصبع جوّا شوي، حتى العضلة تتعوّد، ترتاح، وما تتوتر.

 

نتنفس

 نفس عميق بيساعد نسترخي ونتقبل الإحساس. تنفسوا سوا – في إشي حميمي فيه :)

 

نحرّك

 إذا حسّينا براحة – منبلّش نحرّك الإصبع بحركة دائرية خفيفة.  لو حسّينا شدّ – منوقّف. ما منكمّل إلا إذا رجع الاسترخاء. لو الإحساس مريح – منقدر نعمل حركات أكبر شوي، دخول وخروج.

​

نكبّر

 كل مرة منقدر نجرب أكتر – إصبع أكبر، إصبعين، لعبة، أو عضو جنسي.  بس دايم نتبع نفس الخطوات:  تدليك > تعوّد > دخول > انتظار > نفس > حركة > تواصل > توسعة.  وإذا صار شدّ – نوقف، نقطة.

​

​

نصايح عالسريع:

​

• مش لازم يصير الكل مرّة وحدة. ممكن نقسم المراحل على كذا لقاء – أول مرة بس تدليك، بعدين تجربة دخول.

• الوضعية المفضّلة لأول مرة؟ عالجنَب أو عالبطن – الجسم فيها أريَح من الـ"دوگي" اللي مش دايم مريح.

• فتحة الشرج ممكن "تبلع" أشياء – لا تدخل شي صغير بدون مانع أو قاعدة. استعملوا لعب مخصصة للشرجي.

• الجنس الشرجي بدون كوندوم ممكن ينقل أمراض. الكوندوم بيقلل أغلبها. الـ PrEP بيمنع HIV فقط.

• الكوندوم بأول مرة كمان بيساعد نفسيًا – بينعّم الدخول، بحافظ على نظافة، وبيعطي راحة بال.

• ممكن تحط كوندوم كمان على لعبة أو إصبع – ناعم أكتر، وما بتحس بالأظافر.​