الفحوصات

فحص الـHIV 

الفحص السريع: 

لفحص السريع ممكن بس للناس اللي بيحكوا عبري أو إنجليزي منيح (علشان نضمن إنك فاهم/ة شو بيصير وشو ممكن تكون النتيجة). إذا مش مرتاح/ة باللغة، لازم تنسق/ي مع المركز مسبقًا لأنه في شرح وتفسير كتير لهيك مفضل مع حدا متكلم عربي عشان عينوا دور اللي يفسر التفاصيل والمعلمومات.

​

النتائج بتكون جاهزة بنفس اليوم، خلال نص ساعة، وبس الشخص المفحوص بيسمع النتيجة وجهًا لوجه. 

​

​

فحص الكومبو: 

مكن تعمله بعد 21 يوم من التعرض المحتمل. لازم تكون/ي بإسرائيل وقت صدور النتيجة. بالفحص بتعطينا رقم تليفون، والمستشار/ة بيقولك متى النتيجة بتكون جاهزة (عادة خلال أسبوع). 

​

إذا النتيجة "إيجابية" أو في حاجة لفحص إضافي  بنتصل بين 12:00 و-17:00. إذا ما اتصلنا - النتيجة سليمة (وسلبية مثل الفحص السريع، إذا عملته). 

​

نتيجة مكتوبة:

إذا بدك نتيجة مكتوبة – لازم تتنازل/ي عن الخصوصية، تطلب/ي هالشي بغرفة الاستشارة وتفرجينا هوية. النتيجة بتقدر/ي تاخدها بس بنفس اليوم وبمركز الفحص، وبشكل شخصي. 

​

ما منبعت نتائج لا بتليفون، لا فاكس، لا إيميل ولا بريد.

​

​

فحص HIV للقاصرين

الشباب من 16–18 سنة بيقدروا يعملوا فحص بدون إذن الأهل، بس لازم يفرجوا هوية وبيعملوه بسرية، بدون تقرير للأهل أو صندوق المرضى.

الفحص السريع غير متاح بهيك حالات، بس الفحص العادي متاح والنتيجة بعد أسبوع.​

تحت جيل 16 – الفحص مش ممكن إلا بحالات خاصة وبموافقة مدير/ة المركز.

فحوصات STD (الأمراض المنقولة جنسيا)

الكلاميديا والسيلان (جُنوريا) هما بكتيريا بتنتقل بالجنس. الكوندوم بنفع يقلل الخطر، بس العدوى ممكن توصل حتى مع حماية. أماكن العدوى الشائعة: مجرى البول عند الرجال، المهبل عند النساء، الحلق والمستقيم.
 

أغلب الحالات بدون أعراض، عشان هيك بننصح كل شخص نشيط/ة جنسيًا يعمل/تعمل فحص دوري. الأعراض ممكن تكون حُرقة وقت التبول، ألم بالحنجرة، إفرازات وغيرها.
 

الفحوصات بتنعمل عن طريق عينة بول ومسحات من الفم والمستقيم، والعلاج بالمضادات الحيوية عبر صندوق المرضى.
 

بمراكزنا بنعمل كمان فحص سفلس (الزهري) عن طريق الدم، وفحص لزُهري، كلاميديا، ومَيكون (مايكوبلازما) من 3 أماكن: الفم، الأعضاء التناسلية، والمستقيم.