إنك بدّك تمارس الجنس؟ حلو! حابب تغيّر الوضعيات؟ رهيب! بس كيف بتعرف إذا الشخص التاني معك بنفس المزاج؟ إذا هو/هي مرتاحين مع اللي بصير؟ الكل بده يحس منيح بعد الجنس، والكل بده يعرف إن الشخص اللي كان معه استمتع كمان...
الموافقة
هيك بتقدروا تضمنوا
احكوا واسألوا
قبل: "معك؟ جاهز/ة؟"
أثناء: "مرتاح/ة؟ ممكن نجرب هيك؟ مناسب؟"
بعد: "كيف كان؟ بتحب/ي تعيدها؟"
الجواب لازم يكون "نعم" واضحة – ومش أقل من هيك.
دوّروا على الحماس
يعني "نعم" لحالها مش كفاية. بدنا "نعم" ومعاها لمعة بالعين.
إذا الشخص التاني متردد، حاسّس مش واثق، صوته منخفض أو لغة جسمه مش مريحة أو وقف!
يمكن مش جاهز/ة، ويمكن محتاج/ة وقت، وهذا حقّه/ها.
ا يعني لا
الطرف التاني من حقه يقول لا. من حقه يوقف بالنص. من حقه يغيّر رأيه بأي لحظة وأكيد وإحنا كمان.
إذا قال/ت لا؟ ما تحاول تقنع. الضغط ما عمره كان جزء من جنس محترم وآمن.
كونوا صاحيين
مش لازم نكون ملائكة، بس ننتبه.
الجنس مع الكحول أو/ومخدرات ممكن يكون ممتع أوقات، بس مرات بيخلط الأمور.
ممكن يخلينا نعمل شغلات ما كنا موافقين عليها، أو يخرب التجربة كليًا ونتعرض للخطر.