الأمراض المنقولة جنسياً
كل يوم، ملايين الناس حوالين العالم بينصابوا بأمراض منقولة جنسيًا.الجنس إشي ممتع وبقرب بين الناس، بس إذا ما كناش حذرين، القرب هاد ممكن يجيب معه شغلات مش مرغوبة.
الأمراض المنقولة جنسيًا بتنتقل من شخص للتاني من خلال أنواع مختلفة من التلامس. أغلب الوقت، العدوى بتصير من خلال الجنس المهبلي، الشرجي أو الفموي – بس في أمراض ممكن تنتقل كمان من تلامس حميمي تاني، زي الاحتكاك، البوسة وهيك.
مش كل الأمراض المنقولة جنسيًا بتبين عليها أعراض، وممكن يكون حدا حامل للمرض ومش عارف أصلًا. والأسوأ؟ أحيانًا في أعراض بتطلع وبعدين بتختفي، بس المرض بيضل بالجسم. عشان هيك مهم نعمل فحوصات إذا في سبب معين للقلق، وكجزء من الروتين الجنسي الصحي تبعنا.
في أمراض جنسية بنقدر نعالجها ونخلص منها نهائيًا، وفي أمراض تانية بتضل مزمنة وبدها علاج مستمر. بس في كمان أمراض، إذا ما تعالجتش، ممكن تعمل أضرار صحية جدية، لدرجة إنها تهدد الحياة.
في طرق مختلفة نحمي حالنا فيها من الإصابة – جنس آمن، تطعيمات، أدوية وقائية وغيره. بس في أمراض ما فينا نمنعها، ولهيك الفحوصات الدورية جزء مهم وأساسي من العناية بصحتنا الجنسية.
بيلا، شو عندي؟
يلا دايمًا بتحب تطلّع على النُصّ الكاسة المليان، بس هالمرة الجواب على السؤال هاد لازم ييجي من العيادة تاعتك. وبما إني بعرف إنو حب الاستطلاع عندك بهالوقت هو اللي ماسكك، رتّبتلك كل المعلومات المهمة عن كل مرض. إضغط على اسم المرض وبتطلعلك كل التفاصيل – من طرق العدوى، للوقاية، وحتى إمكانيات العلاج.
بكتيريا سيلان (Gonorrhea)، كلاميديا (Chlamydia)، مايكوبلازما (Mycoplasma genitalium)
شو هو؟ التهاب منقول جنسياً بسبب بكتيريا.
ليش بيصير؟ من الجنس مع شخص مصاب.
كيف بينتقل؟ بالجنس (مهبلي، شرجي، فموي). يمكن أن تنتقل السيلان عن طريق التقبيل أيضًا حسب أبحاث التي تشير لذلك، لا يمكن الوقاية من العدوى بشكل كامل، لذلك من المهم الالتزام بالفحوصات الدورية.
الأعراض:
-
إفرازات من المهبل أو القضيب
-
حرقان وقت التبول
-
وجع بالبطن أو الخصيتين
-
وجع بأسفل البطن
العلاج: مضاد حيوي.
سفلس- مرض الزُهري (Syphilis)
شو هو؟ مرض بيمر بمراحل، ممكن يعمل تقرحات وطفح.
ليش بيصير؟ من بكتيريا.
كيف بينتقل؟ بالجنس أو التلامس مع التقرحات.
الأعراض:
-
قرحة غير مؤلمة بالأعضاء
-
بعدين طفح جلدي
-
إذا ما تعالج: مشاكل بالأعصاب، القلب، أو الدماغ
العلاج: مضاد حيوي (حقن).
نقص المناعة (HIV)
شو هو؟ فيروس بهدم جهاز المناعة.
ليش بيصير؟ من دم، جنس، أو من الأم للطفل.
كيف بينتقل؟ بجنس غير محمي، إبر، أو دم.
المدة الزمنية للفح: 3 أسابيع من العلاقة المشكوك بها بتم تشيخصه فقط عن طريق فحص دم.
الأعراض:
-
مفش أعراض ثابتة بس ممكن بالبداية: حرارة، رشح، تعب، طفح
-
بعدين: فقدان وزن، التهابات متكررة لحد ميصير بمرحلة منقدمة وبصير ايدز بعد 5-6 سنوات من العدوى
العلاج: ما في علاج اللي بيقضي عليه بينما في علاج دائم بيمنع تطور المرض وبيقلل العدوى وانتشاره بمناطق تاني بالجسم.
فيروس الورم الحليمي (HPV)
شو هو؟ فيروس ممكن يعمل ثآليل أو يسبب سرطان.
ليش بيصير؟ من تلامس مباشر أو علاقة جنسية.
كيف بينتقل؟ بالجنس أو تلامس الجلد.
الأعراض:
-
ثآليل تناسلية (مرات مافي أعراض)
-
تغيرات بخلايا الرحم (عند النساء
العلاج: فيه لقاح، والثآليل ممكن تنشال.
صفري التهاب كبد B
شو هو؟ فيروس بضرب الكبد.
ليش بيصير؟ من دم أو سوائل الجسم.
كيف بينتقل؟ بالدم، الجنس، الجنس الفموي ،أو من الأم للطفل.
الأعراض:
-
صفار بالعيون أو الجلد
-
تعب
-
وجع بالبطن
-
غثيان
العلاج: علاج مضاد للفيروس أو متابعة طبية.
هربس (Herpes)
شو هو؟ فيروس بيعمل فقاعات أو جروح.
ليش بيصير؟ من شخص حامل للفيروس.
كيف بينتقل؟ بتلامس الجلد أو الجنس الفموي.
الأعراض:
-
فقاعات/جروح حوالين الأعضاء
-
حكة، حرقة
-
ممكن حمى أو تضخم غدد
العلاج: أدوية بتخفف الأعراض، مافي شفاء نهائي، بضل موجود بالجسم من دون أعراض لكن اذا بتعرض لتهيج الفيروس برجع بهاجم الجسم(ذاكرة مناعية).
تريكومونس (Trichomonas)
شو هو؟ طفيلي بيعمل التهاب.
ليش بيصير؟ من الجنس مع شخص مصاب.
كيف بينتقل؟ بالجنس المهبلي.
الأعراض:
-
إفرازات صفراء/خضراء
-
ريحة مش منيحة
-
حكة أو حرقة
العلاج: علاج طفيليات.
التهاب بكتيري بالمهبل (BV)
شو هو؟ خلل بالبكتيريا الطبيعية بالمهبل.
ليش بيصير؟ بسبب تغيير بتوازن البكتيريا.
كيف بينتقل؟ مش دايم جنسي، بس ممكن يزيد مع العلاقات أو الغسولات ونوع الاكل اللي منتناوله خاصة الأكل السريع.
الأعراض:
-
ريحة "سمك"
-
إفرازات رمادية أو بيضا
-
حكة خفيفة
العلاج: مضاد حيوي.
جرب (Scabies)
شو هو؟ طفيلي بيعيش تحت الجلد.
ليش بيصير؟ من سوسة صغيرة.
كيف بينتقل؟ من تلامس مباشر، مش شرط جنسي، استعمال نفس المناشف أو لبس ملابس الشخص المصاب أو النوم بنفس الفرشة.
الأعراض:
-
حكة قوية، خصوصاً بالليل
-
خطوط حمراء صغيرة
-
تقرحات من الخدش
العلاج: شامبو خاص وتنظيف الملابس والفراش، العلاج يكون عن طريق دهن كريم أو مرهم يقتل القمل. عادةً ما يجب دهن الكريم مرة واحدة وتكرار العلاج بعد 3-7 أيام، وفقًا للتعليمات المرفقة بالمنتج. المستحضرات تتطلب وصفة طبية. من المهم الحفاظ على النظافة وتجنب اللقاءات الجنسية إذا كان هناك علم بالعدوى، ويوصى بغسل الأغطية والمناشف والملابس التي تم استخدامها على درجة حرارة 60 درجة.
قمل العانة (Pubic Lice)
شو هو؟ حشرة صغيرة بتعيش بشعر العانة يعني تحت فصيلة الشعر اللي بمنطقة الاعضاء الجنسية وبالبطن والفخاد.
ليش بيصير؟ من شخص مصاب.
كيف بينتقل؟ بالجنس أو تلامس مباشر، وأحياناً من فراش أو ملابس.
الأعراض:
-
حكة قوية
-
نقاط سودة أو بيضا
-
ممكن التهابات جلدية
العلاج: شامبو خاص وتنظيف الملابس والفراش، العلاج يكون عن طريق دهن كريم أو مرهم يقتل القمل. عادةً ما يجب دهن الكريم مرة واحدة وتكرار العلاج بعد 3-7 أيام، وفقًا للتعليمات المرفقة بالمنتج. بعض المستحضرات تتطلب وصفة طبية. من المهم الحفاظ على النظافة وتجنب اللقاءات الجنسية إذا كان هناك علم بالعدوى، ويوصى بغسل الأغطية والمناشف والملابس التي تم استخدامها على درجة حرارة 60 درجة.
أي متى لازم نزور الطبيب؟
إذا حسّيت بأيّ واحد (أو أكتر) من الأعراض هاي، ممكن تكون هاي طريقة إنو جسمك بقولك: "في احتمال تكون مصاب بمرض منقول جنسيًا":
-
إفرازات من القضيب (من مجرى البول)
-
وجع أو حرقان لما تتبول
-
تقرّحات حوالين الأعضاء التناسلية (ممكن تكون بتوجع أو لأ)
-
طفح جلدي – خاصةً على الكفوف، الظهر أو البطن
-
انتفاخ بالغُدد اللمفاوية
-
إفرازات أو دم من فتحة الشرج، وجع وقت الحمّام أو وقت ممارسة الجنس الشرجي – خصوصًا إذا الوجع جديد ومش مألوف
بس لازم نوضح شغلة مهمة: كتير أمراض جنسية ما بتعطيش أي أعراض. يعني ممكن تكون حامل مرض وانت مش داري، وتكمّل تنقله لغيرك وكأنو ما في شي. وكمان، في أمراض ممكن تأثر على الخصوبة والمستقبل، إذا ما انتبهنا إلها.
فالسؤال هو: كيف نعرف؟
إذا كنت بتلبق حتى على عامل خطر واحد – زي إنك بتغير شركاء جنسيين بشكل متكرر، بتمارس جنس بدون واقي، أو بتمارس الجنس تحت تأثير مخدرات – إحنا بننصحك تعمل فحوصات دورية كل 3-6 شهور:
فحص بول لأمراض منقولة جنسيًا
فحوصات دم للزهري (السفلس)، الـHIV، والكبد الفيروسي (A, B, C)
هيك بتحافظ على حالك، وعلى الشركاء تبعونك، وبتضل براسك مرتاح.